नम्र आवाहन

श्री क्षेत्र नरसोबाची वाडी पासून साधारण 6 कि. मी. अंतर असलेल्या कवठे गुलंद या ठिकाणी परमसद्गुरू श्री. गजानन महाराज ( शिवपुरी, अक्कलकोट ) यांच्या प्रेरणेने महाराष्ट्रातील सुप्रसिद्ध कीर्तनकार आदरणीय ह. भ. प. नारायणबुवा काणे ह्यांनी या मंदिराची निर्मिती १९८३ साली केली. प्रत्यक्ष परमसदगुरूंच्या हस्ते मंदिरातील अत्यंत जागृत अश्या श्रीपाद श्रीवल्लभांच्या मूर्ती ची स्थापना तसेच अग्निमंदिराची स्थापना १९८३ साली या ठिकाणी झाली. मूर्तीची स्थापना करण्यापूर्वी स्वत: परम सद्गुरूंच्या पूजेत काही दिवस हि मूर्ती होती. स्वत: परमसद्गुरूंचा पदस्पर्श व आशीर्वाद या क्षेत्राला लाभला आहे. श्री प्रतिपादित अग्निहोत्र प्रचार, गोसेवा अशी श्रींना अभिप्रेत असलेली कार्ये येथून चालू आहेत.

सर्व सद्भक्तांना या पवित्र कार्यात सढळ हस्ते सहभागी होण्याचे आवाहन करीत आहोत...
आपला सहभाग आमच्यासाठी अमुल्य आहे !!!